Алдарт "Хаблл"-ыг залгамжлагч "Жеймс Уэбб" огторгуйн уудам дахь орон зайгаа эзлэв

"Жеймс Уэбб" дуранг Францын Гвиана дахь сансрын буудлаас “Ариан 5” пуужингаар хөөргөв.

 Сансрын алдарт "Хаббл" дуранг орлох учиртай "Жеймс Уэбб" телескоп сар гаруйн аялалын дараа өөрийн байнгын байрлах либрацийн /Либрацийн цэг гэдэг нь хиймэл дагуулын эргэн тойрон эргэлдэж буй биеийн гадаргуугаас ажиглагдах удаан хэлбэлзэл/ цэгтээ хүрчээ. Нар-Дэлхийн системийн  энэхүү байршил нь сансрын хоёр биетийн таталцлын талбай нь бие биеэ нөхдөг тийм цэг юм.  Тиймээс дуран нь тэдгээртэй харьцуулахад  харьцангуй хөдөлгөөнгүй байж чаддаг.

"Жеймс Уэбб"  дуранг сансарт хөөргөснөөс хойш нэг сарын дараа уг төхөөрөмж 1.5 сая километр замыг туулж байршин ажиллах орон зайдаа очоод байгаа нь энэ юм.  Инженерүүд хөөргөхийн тулд оригами болгон эвхэж  овор хэмжээг нь багасгасан  аварга том телескопыг аль хэдийн дэлгээд байна. 

Гэсэн хэдий ч "Жеймс Уэбб"-ийг ажилд бүрэн бэлтгэхэд дахиад хэдэн сар шаардлагатай. Энэ зун гэхэд ашиглалтад орох төлөвтэй байна.

Алдарт "Хаблл" дурангийн телескоп нь 2.5м диаметртэй байсан бол  "Жеймс Уэбб"-ынх 6.5м. Талбайн хэмжээ 27м2, хүндийн жин нь 40 кг. 

Эрдэмтэд сансоын энэхүү аварга телескопод ихээхэн найдлага тавьж байгаа юм. "Жеймс Уэбб"-13.5 тэрбум гэрлийн жилийн зайд байгаа оддын дохиог хүлээн авах боломжтой. Энэ нь орчлон ертөнц үүссэний дараахан ямар байсныг илүү сайн мэдэх  боломжийг олгоно гэж одон орон судлаачид найдаж байна.

Одод хоорондын тоосон багана.

 2021 оны 12 дугаар сарын дундуур Францын Гвиана дахь Куру хотоос "Жеймс Уэбб" сансрын дуранг тээвэрлэсэн пуужинг хөөргөсөн юм.  

Сүүлийн 10 жилийн хугацаанд "Жеймс Уэбб" дуранг хөөргөх ажиллагааг  дөрвөн удаа хойшлуулсан.  Нийтдээ 10 тэрбум долларын өртөгөөр бүтээгджээ.